logo htdg copy.jpg

ჩვენ შესახებ

ბოლო დროს Street Food-ი მთელ მსოფლიოში განსაკუთრებულად ტრენდული გახდა და თბილისიც დროულად შეუერთდა ამ ტენდენციას.


თუმცა, ჩვენ მიერ შექმნილი ორდღიანი ფესტივალი „Taste Tbilisi Street Food - დააგემოვნე თბილისის ქუჩებში“, რომელიც სთოლისა და ეკონომიკური განვითარების საქალაქო სამსახურის ორგანიზებით ტარდება, პირველი მასშტაბური ღონისძიებაა. ის ერთ ლოკაციაზე უყრის თავს სწრაფი კვების ობიექტებს, შეფ-მზარეულებს, ოჯახური სამზარეულოს თვითნასწავლ ლეგენდებს და გურმანებს ანუ თქვენ. 


გაინტერესებთ რა გელოდებათ ფესტივალზე? მხიარულება, უგემრიელესი კერძები, მიმზიდველი საფესტივალო სივრცე, დაუღალავი კომუნიკაციისას გაზიარებული უამრავი საინტერესო ამბავი  და გასტრონომიული ზეიმი, რომელიც ერთ-ერთი ყველაზე სასიამოვნო გამოცდილება გახდება თქვენთის. 


*გახსოვდეს, ქუჩის საჭმელი თავგადასავალია, რომელშიც ახალი ადამიანებისა და არომატების აღმოჩენა შეგიძლია. 

 
 

ვენდორები

ახლადშექმნილი სწრაფი კვების ობიექტები, რომელთა კერძებიც უნიკალური, ავთენტური გემოებით გამოირჩევა და თავად ობიექტის კონცეფციაც განსხვავებულია სხვა დანარჩენებისგან.

მრავალფეროვანი ქართული “კრაფტ” ლუდები, რომელთა ერთ სივრცეში გაერთიანება დამოუკიდებლადაც შეძლებს ფესტივალი ლუდის მოყვარულებისთვის დაუვიწყარ თავგადასავლად აქციოს.

სერთიფიცირებული შეფ-მზარეული, რომლიც განმსჭვალულია კულინარიის სიყვარულით, სურს მოსინჯოს საკუთარი ძალები და 2 დღით ჩვენს ფესტივალზე გახსნას საკუთარი სტრიტ ფუდ ობიექტი.

ქალი მეღვინეები, რომელთა პროდუქციის დაგემოვნებაც, ადამიანებს საშუალებას მისცემს გადაიაზრონ ტრადიციული გემო და წარმოიდგინონ მომავლის განვლილი დღეები.

დამწყები საკონდიტროები, რომელთა პროდუქტის გასინჯვა, ყველაზე პრეტენზიული გემოვნების ადამიანებისთვისაც აღმოჩენად, ახალ გამოცდილებად იქცევა.

სურსათის მწარმოებლები, რომლებმაც ახლა დაიწყეს პროდუქციის შექმნა. უყვართ საკუთარი საქმე და ცდილობენ ეს ყველა დეტალში გამოხატონ — შეფუთვაში, პროდუქტში, მომსახურებასა თუ მომხმარებლებთან კომუნიკაციაში.